De letste X,

jao de letste kièr zal 't zeker zien veur Prins Mark I en zien adjudante Pascal en Nick.

Zeej meuge veur de letste kièr in vol ornaat prónke op Kwastebühne.

Deze joeksige aovend vol buut en mèziek zal in 't teike staon van 't aaftraeje van 't trio 2016.

In de buut zal veur óg optraeje d'n hièr Frank Schrijen.

Muzikale optraejes zien d'r van JoeksDJ Rob, Linke Mik en ein aantal spectaculaire verrassingsoptraejes.