Ald Prinse

De Ald Prinseklub van "De Kwas" is opgerich in 1988.
Geej zoelt noow waal dinke det "De Kwas" vuul alder is en det is auk zoë.
Aevel, toen pas hebbe ein aantal minse ut idee gekrege um dees klub te gaon starte.

Dees klub stelt zich ten doel um ein paar kiër per jaor de sociale bande met de Ald Prinse aan te haole en te versterke.
Geej môt dan dinke aan: jaorvergadering, Ald Prinsedaag en Prinserecepsie.
De jaorlikse oétstepkes waere altiéd georganiseerd door de Prins van ein en twië jaor geleeje.

De Ald Prinseklub wuurt aangeveurd door ein bestuur, veurzitter, sikkertaris en penningmeister. Zeej zien verantwaordelik veur de vergaderinge, inne van kontribusie en oètgaves. Dit wuurt ens per jaor in de jaorvergadering bespraoke en verantwaording aafgelag.

De Ald Prinseklub is sinds kort te herkinne aan eur blauwe caps. Iddere Ald Prins haet zien eige cap met ut logo en zien jaortal van Prins d'r op staon.
Wao meugelik zal dees klub auk ter óndersteuning deene veur De Kwas, veur eur finansjele activiteite.
Geej huurt waal, det ut ein klub is wao Joeks en Jen hoëg in ut vaan steit en det zölle weej as Ald Prinse auk altied probere oèt te drage nao de Kwas, Venlo-Zuid en groët Venlo.