Pers & Propaganda

De Pers- en Propagandakemissie zörg d'r veur det De Kwas 't ganse jaor in de publiciteit kump. Zeej hebbe kóntak met zoeëwaal radio en tillevisie as de schrièvende pers.

Eine kier per jaor gaeve ze 'ne echte Kwastekrant oèt. De inhald van deze krant besteit oèt gegaeves van ut niej prinsellik trio, foto's van ut veurige en loupende vastelaovesseizoen, verhäölkes, de Jeug van de Kwas en advertenties. De krant wuuërt gratis hoès aan hoès in gans Venlo-Zuid verspreid in 'n oplage van 5000 stöks.

Ouk ut verzörge van al 't drökwerk zoeëas breefpepeer, oètnueëdiginge, posters en flyers, 't make van TV-spotjes en ut beej -en ónderhalde van dees thoèspagina en de social media huure beej dees kemissie.

Daordet De Kwas 't ganse jaor aktief is, is ouk dees kemissie boète ut vastelaovesseizoen drök bezig.

Veurzitter van de Pers & Propagandakemissie is d'n hièr Evert Schnock.