De Technische Commissie van De Kwas verzörg alle zake, die met techniek te make hebbe!
Inkele veurbeelde zien:
De hoësversieringe van de prins en van de twiëe adjudante, waere door de TC zellef gemak en op de woëninge geschroef. Det gebeurt metein d'n daag nao ut oëtroope van det nieje dreejspan. Dök geit det gepaard met de nuüdige joeks en Jaegermeister.
Auk de zaal- en bühneversieringe in ós residensie 'ut Tref' waere door de TC óntworpe en gemak. Heejbeej mótte weej ós halde aan de regels van de zaalbeheerder en de brandweer. Dus de noëdoëtgange vreejhalde, brandvreeje materiale gebroëke enz.
Idder jaor haet de vastelaovend beej De Kwas ein ander motto. De versieringe waere aan detzelfde motto aangepas. Det motto kin ein land zien beveurbeeld Duitsland, America of ein teema as circus, oerwoud, meziek of ut Limburgs muzeum. Alle decorstökke waere in eige beheer geteikend, getummerd en geschilderd.
Heejveur hebbe weej ein prachtige werkplaats ingerich, in de kelder van ós residensie. Veur opslaag van de materiale en decors hebbe we ein gedeilte van de zölder ter beschikking. Vaeder mak de TC alle hölpmiddele die veur eine gooje vastelaovend nuüdig zien, - ein demontabele garderobe - extra lange zaaltaofels - leechinstallatie
Technische Kemissie