Idder jaor in augusus sluút V.G. De Kwas ut seizoën aaf met de BFG Daag.

Terwiel de zomer intelik ziene zonnige kant luut zeen kinne beej "De Kwas" de sjaals, mutse, oerwermers en geitewollesök oét de kas gehaold waere.

Tièdes de jaorvergadering woort d'r namelik door de ideejekemmissie ut motto veur ut kommende vastelaovesseizoen geprissenteerd.

Dao zien we waer met unne voetbal pool van VG. de Kwas. Auk dit jaor kint ge waer mei doon!

In tegenstelling tot andere jaore deze kier auk via internet, zoedet geej alles vanoet och luie staol mekkelik kint völle en auk tiedes ut toernooi tussestande kint volge. Natuurlijk is ut auk meugelijk um un geprinte versie in te vulle, die zien verkriegbaar in ut Tref.

Met naate auge schrief ik heej dit stukske tekst… Ut is gedaon…tis gedaon..... Eine slinger van vastelaovend is veurbeej.

Met ut aafsloéte van de vastelaovend in ôs residensie Ut Tref hebbe we teruuk gekeeke op eine fantastische vastelaovend. Heej hebbe weej met ôs trio van 2010, Prins Erwin d'n Iërste met zien adjudante Jack en Jack de scepter d'r beej neer gelag wies ut aaftraeje op zaoterdaag 20 november. Op deze aovend meuge ze dan de letste kier met eure scepter zweije.

En alweer ein weekend veurbeej….Minse….wat vluug d’n tiëd. Aafgelaupe vriedaag zien we op bezeuk gewaes beej Ut Tremke. Veur Jack Maas ein speciaal moment. Maar toch auk neet allein veur uhm. Auk Ut Tremke en hiel vuul minse in de zaal begreepe det neet allein os felicitaties naor Ut trio van ut Tremke ginge, maar det daor auk efkes tiëd waas veur ein traönke.

Ut twiëde volle weekend is alweer veurbeej. Waat ein belaevenis en waat ein fees!

Gister is in "ut Tref" de iërste Kwastekrant geprissenteerd aan scouting St. Paulus. Ze ware veriërd um deze te meuge ontvange.

Kommende zaoterdaag 30 jannewarie wuurt in de Kwasteresidensie aan de Hendrikxstraot weer de jeugmiddaag georganiseerd. De Jeug van De Kwas häök aan beej ut succes van ut Pallesaotebal met de naam Mini-Pallesaotebal en um gen entree te vraoge. Zoë wuurt auk veur de allerkleinste onder ôs de vastelaovend in Venlo-zuid vreej toegankelik.

In eine bomvolle zaal is zaoterdaagaovend tiedes ut Pallesaotebal ôs trio van 2010 bekind gemak. Al dinkse det ut ech neet te filleme is toch stonde zeej daor.

Kiék veur foto's en filliciteer ut nieje dreejspan in ut gasteboek op de website: www.pallesaotebal.nl