Hae zoog ein fles joeg ligge zonder aek maar met ein pepeerke d'r in. Det dit neet zoëmaar ein pepeerke waas, bleek al vlot naodet 't oét d'n aek getrokke waas. Dreej kwante hiëre stonde dao naevenein in eur zwarte rokkostuum, met eur gezich verschaole achter sappig fruit.

Vors Kwastius kreeg unne roëje bums. "Haos had ut nieje Kwastetrio zich verraoje, die motte zich nog efkes geduuk halde!", dach hae en noom de fles snel mei nao "ut Tref". 

Dao aangekomme verstopte hae snel de fles in de TC kelder zoëdet neemus die kos vinde. Neet eg unne slumme zet netuurlik. Die jonge van de TC werke neet allein hard aan de bühne -en zaalaankleiding, maar as zeej efkes motte wachte wiés de verf gedruëg is make zeej un fleske baer meister.

Geej kint al aanveule wat d'r stond te gebeure. Noow zien die taegewoordig erg rap met foto's op Twitter en eure eige site te zette. Dees foto wille zeej òg in idder geval neet onthalde en dus woorte heej geplaats.

Wilt geej raoje wae dees dreej hiëre kinne zien? Klik dan heej.