Aan dees krant wuurt onder leiding van de Pers & Propagandakemissie door alle leeje van ut gezelschap aan beejgedrage. Ut beejeinhaole van de advertenties, ut schriéve van tekste, ut controlere  op spelling, ut oétzeuke van foto's, d'r kump hiël wat beej kiëke. 

Ut is beej "de Kwas" ut gebroék um tiedes dees krantprissentasie auk de iërste Kwastekrant oét te reike aan ein vereiniging of gezelschap. Meistal hingk det same met ein jubileum.

Dit jaor zien weej veriërd um de iërste Kwastekrant oét te reike aan én ut Boerebroelofsgezelschap "Femilie Pollux" én aan de AZ-kemissie van Jocus. 100 jaor Boerebroelof in Venlo is heejbeej de achterliggende gedachte. 

De veurzitter van de AZ-kemissie van Jocus, d'n hiër Erik Schnock en de sikkertaris van de AZ-kemissie d'n hiër Ves Verhaegh krege oét hande van ôzze Hoëgheid ein moeï ingeliéste Kwastekrant. Names ut Boerebroelofsgezelschap woort de iërste Kwastekrant door ôzze Jeugprins óetgereik aan Börgermeister Marij Pollux en Wout Wim Pollux.

Dees waek wuurt de Kwastekrant in ein oplage van 4400 stöks gratis hoés aan hoés verspreid in Venlo-zuid.