Hae ontving oét hande van Vors Kwastius de Extra Hoëge Onderscheiding van Vastelaovesgezelschap "de Kwas". Guus is van 1975 wiés ut veurig jaor lid gewaes van ôs gezelschap. As lid vervölde heej diverse functies zoë wie lid beej diverse kemissies, ut organisere van de BFG-daag, coördinator van de moëdeshow, indeile van de ald pepeer ophaolers, iërste webmaster, beheerder van ut adressenbestand en raodslid.

Vaerder hael heej ôs dök ein speegel veur met eine kritische noët en veurspelde hae in de laup der jaore diverse veranderinge welke auk ech hebbe plaatsgevonde. Ein greep oét ziene veuroétzeende blik: ut realisere van eine ald adjudante klub (taegewoordig bekind as de S.A.A.), pekunia verdeene met barwerkzaamhede, gratis toegankelik make van zittinge, oprichte van de Kwastejeug. 

Gezeen de lingte van zien lidmaatschap en ziene staat van deens meug Guus zich vanaaf now drager van de Extra Hoëge Onderscheiding van "de Kwas" neume. 

Guus, perfisiat!