Jeug van de Kwas

HÉ DICH DAO!
TÓF DES SE KUMPS KIEKE OP ÓZZE THOESPAGINA!

Weej zien de Jeug van De Kwas, bestaonde oet de Jeugraod en Garde.

Jeugraod 
Net zoeëwie beej de ‘groeëte’ Kwas rope weej idder vastelaovesseizoen ’n trio oet. Dit jeugtrio kin zoeëwaal oet maedjes as oet jónges bestaon. Weej hebbe dus ‘ne Prins of ’n Prinses met twieë kwante adjudante of adjudantes.

Ouk hebbe weej ’n Raod van Elf ónder leiding van Jeugvors Kwastius. Ózze Jeugvors wuurt dao beej geassisteerd door ‘ne Ceremoniemeister (weej neume dae Pienselke) en ‘ne Chef du Protocol. Gans veurop loupe ós schoeën Tanzmeriekes en dan is ’t plaetje compleet.

Garde
Iddere woensdaagaovend wuurt d’r in Ut Tref flink geripperteerd door de maedjes van de Garde.

Dees garde besteit oet ’n mini-garde en groeëte-garde. Smeis in de aanwas zoeë groeët det d’r nog ‘ne tössegroep gevormp wuurt.
Weej oefene veur ‘ne Gardedans en ‘ne Showdans, welke weej laote zeen tiedes ’t Mini-Pallesaotebal, de privéreceptie van ’t Kwastetrio, oetreiking van de ierste Kwastekrant, de Prónkzitting, op de basisschoeële in ós wiek en op andere plekke in ós stad.

't Is altied meugelik um kóntak mit ós op te neme as geej interesse heb in 'n optraeje van ein van de gardes of as d’r interesse is um ens te kómme kieke beej ein van ós rippetities.

 

Um met de jeug in Venlo-Zuid vastelaovend te viere, steit beej De Kwas hoeëg in ut vaan en weej met de Jeug van De Kwas zulle dao ein beejdrage aan blieve levere. Al haet de jeug van taegewaordig vueël andere dinger te doon, toch blieve weej haope det de vastelaovescultuur blief bestaon en det d’r nog steeds blage zien, die dae vastelaovend met de paplaepel binne hebbe gekrege en met ós vastelaovend viere.

Vastelaovend in Venlo-Zuid veur de jeug, door de jeug.

Klik heej um kóntak op te neme met de Jeug van De Kwas. 

Volg ós ouk op social media!