Garde

Sinds 2013 zien weej weer begós mit 'n Minigarde beej De Kwas.

Same mit maedjes vanaaf 'n jaor of 6 rippetere weej in Ut Tref en oefene weej 't ganse jaor um veur idderein weer 'ne schoeëne dans in elkaar te zette.

Veur de Minigarde make weej 'ne leuke showdans, dae altied in 't teike steit van 't motto van De Kwas van det jaor.

Veur de Dansgarde make weej 2 danse. 'ne Showdans en idder jaor is d'r ouk 'ne nieje Gardedans.

D'r mot dus 't ganse jaor hard gerippeteerd waere, um 'n paar moeëie danse in te studere.

Mit dees danse traeje weej ouk dökker op. Neteurlik op ós eige Mini-Pallesaotebal op, maar weej traeje ouk op beej de Privéreceptie van de groeëte Prins, de oetreiking van de ierste Kwa(t)s, de Prónkzitting en weej hebbe ouk al dökker op Jocusbühne gestaon tiedes Half Haenke. 

't Is altied meugelik um kóntak mit ós op te neme as geej interesse heb in 'n optraeje van ein van de gardes. 

Is d'r interesse um ens beej ós te kómme kieke en te danse? 
Ouk dan kint geej gerös kóntak mit ós opneme um ens te kómme kieke beej ein van ós rippetities.

Haopelik wies snel! Klik heej um kóntak mit ós op te neme.