Vastelaovesgezelschap "de Kwas" organiseert same met Mèziekvereiniging "Valuas" de twiëde edisie van ut vreej toegankelikke Galderbal.

Maonde van veurbereidinge zörge d'r veur det de bezeukers zich kommende zaoterdaag 24 november waane in ut alde Patroonaatje (taegewoordig Feeszaal ut Tref).

Vastelaovesgezelschap "de Kwas" zal aafscheid neme van Prins Rob I met zien adjudante Mark en Ramon. Zeej hebbe ut aafgelaupe vastelaovesseizoen op ein veurtreffelikke wiès de vastelaovesker in Venlo-zuid getrokke. Nog ein kièr make zeej eur opwachting in vol ornaat um nao ut Aaftraeje weer as gewoëne börgers door ut laeve te gaon en vaerder te geneete van wat ut Galderbal nog miër te beeje haet.

Mèziekvereiniging "Valuas" zal in eur grande setting de aovend opluustere met bekinde nummers van pop wiès vastelaovend en ontvingk speciale gaste wie Marco Schell, Frans Driessen, Marcel Verdellen en Paul Joosten.

Taeves zal Joekskoër Maasbree  tièdes ut Galderbal optreeje. Zeej bringe bekinde leedjes gewoën Veur de Joeks en zette ut Patronaatje op d’n kop.

As aafsloéting van de aovend zal Feesbend Pats! optreeje. Zeej speule echte feestnummers, bekinde dialeknummers en Duitse schlagers. Met nummers van d'n Discodens wiès Schenk mir dein Herz zulle zeej ut Patronaatje laote bibbere op zien alde grondveste.

Ut Galderbal begint um klokslaag 20:00 oor en vindt plaats in Feeszaal "ut Tref" aan de Hendrikstraot in Venlo-zuid. Toegank is gehiél gratis! In verband met de verwachte drökte is ut winselik um veur 20:00 oor aanwezig te zien.