Hoëggeiërd publiek! Kom ut zeen, kom ut belaeve! 

Weej prissentere veur ôg kômmende zaoterdaag 19 jannewarie eine spectaculaire aovend vol joeks en jen in ôs Kwastecircus. 

In de piste zal ein groët aantal artieste aan ôg veurbeejtrekke. Wat dach geej van die pipoos van Neet Um Aan Te Huure? De Toddezek hoëg op de trapeze? Alle winnaers van Opus Jocus in eine potpourri met paerd? Ein niej Kwastetrio det op magische wiés oét d'n hood wuurt getouvert. Det alles onder muzikale begeleiding van ôs circusband M!xx.

Ôs circustent "ut Tref" aan de Hendrikxstraot is aope vanaaf 19:30 oor. Ut programma begint klokslaag 20:00 oor. De toegank is gratis!

Miër info op www.pallesaotebal.nl

D'r wuurt al aardig gespeculaert euver de nieje Hoëgheid van de Kwas. Wae zal in 2013 de scepter zweije euver ut Kwasteriék? En welke twië kwante adjudante zal hae naeve zich hebbe staon?

Dink geej ut te weite bring dan ein stum in ut prinse-raoje te bereike via www.pallesaotebal.nl

De Jeug van de Kwas besteit dit jaor eur 1x11 jaor. Ut ganse vastelaovesseizoen zal in ut teike staon van dit jubileum.

Zaoterdaag 26 jannewarie biëte we de spits aaf met ut Mini-Pallesaotebal. Tal van artieste zulle veur de kinder van Venlo-zuid optraeje in de piste van Circus "ut Tref". Hoëgtepunt van deze middaag is ongetwiéfeld ut oétrope van ut kersverse jubileumtrio.

Ut Mini-Pallesaotebal begint um 14:11 oor. Geej ziet vanaaf 13:30 oor van herte welkôm.
Kiëk veur miër info op www.jeugvandekwas.nl

Vanaaf dit vastelaovesseizoen ôntvange alle Vrinde van de Kwas ein niej Vrindespeldje. In ut Vrindespeldje is veurtaan ut thema van ut desbetreffende vastelaovesseizoen verwerk.

Idder seizoen ôntvingk geej dus ein niej Vrindespeldje. We haope det dees speldjes echte kollektorsitems waere.

Dit seizoen zien weej gruëts det weej de zaal versiert hebbe met ballônne van Partyservice Service Venlo.

Hertelik bedank heejveur!