| Trio's "de Kwas" en "Jeug van de Kwas" |
 
Miër info euver dees persoëne vindt geej op www.dekwas.nl en in de Kwastekrant. |
|
| Oétreiking Iërste Kwastekrant |
Kômmende vriedaagaovend 1 fibberwarie zal ut hoésorgaan van "de Kwas", de Kwastekrant, geprissenteerd waere. Aan deze krant wuurt door idderein binne "de Kwas" hard gewerk middels ut binnehaole van de advertenties en de stökke teks, onder leiding van de Pers & Propagandakemissie.
Idder jaor is ut ein gebroek um de iërste Kwastekrant oét te reike aan ein gezelschap of vereiniging welke det jaor jubileert.
Vanzelfspraekend kump dees iër dit jaor ôs eige "Jeug van de Kwas" toe. Zeej bestaon dit jaor 11 jaor.
De krantoétreiking vindt plaats in ôs residensie Feeszaal "ut Tref". Idderein is van herte welkom vanaaf 19:30 oor. Muzikaal wuurt deze aovend opgeluusterd door Joekskepèl "Schöd um Laeg". |
|
| Recepsie Jeugtrio |
Zaoterdaagmiddaag 2 fibberwarie wuurt ut nieje trio van "de Jeug van de Kwas" ein recepsie aangebaoje in ôs residensie.
Prins Jesaya d'n iërste en zien adjudante Ivo en Lars zulle vanaaf 15:00 oor op de Kwastebühne staon um ôg felicitasies in ôntvangs te meuge neme. |
|
| Vastelaovesmis |
In samewerking met Boëte de Paort en Mèziekvereiniging Valuas staon weej zaoterdaag 2 fibberwarie um 19:00 oor efkes stil beej de wat serieuzere dinge in ut laeve. Naeve joeks en jen auk tiëd veur bezinning. De Mis vindt netuurlik plaats in ôs Leef Vrouwekerk aan de Sinselveldstraot. |
|
| Prônkzitting |
 Veurig jaor ein groët sukses, ôs Prônkzitting!
Ut program dit jaor luug d’r auk neet um. Geej waert deze aovend getrakteerd op optraejes van Finaliste Opus Jocus, Duo Oétgesjlaope, Joëkskoër Toujours, Ger Frencken, Chrit Driessen en as absolute topper Thei & Marij!
Ein vol program vol joeks en jen en zoeäs ut "de Kwas" betaamp heb geej vreeje entree. Heb geej zin in eine gezellige aovend laup dan röstig binne en neem plaats in ôs schitterend aangekleijde circustent.
De aovend vindt plaats op woensdaag 6 fibberwarie in ôs residensie "ut Tref" en begint um 19:30 oor. Deure zien geäöpend vanaaf 18:45. |
|
| Groëte Prinserecepsie |
Vriedaag 8 fibberwarie wuurt ut trio van "de Kwas" ein recepsie aangebooje in ôs residensie Feeszaal "ut Tref". Dees recepsie aan de veuraovend van de vastelaovend wuurt altied drök bezoch, neet allein door de verschillende zustervereiniginge maar auk door de minse oét de wiëk.
Geej kint Prins Arthur d'n Iërste en zien adjudante Auke en Bas fellicitere vanaaf 20:11 oor. |
|
| Muts aafzette |
Vastelaovesdinsdaag 12 fibberwarie sloéte weej de vastelaovend aaf in ôs stadsresidensie "De Blauw Trap" aan de Alde Merret.
Idderein is van herte welkom vanaaf 20:00 oor waonao um 11 minute veur nege de vastelaovend officieël wuurt aafgeslaote door beej ôs trio de mutse aaf te zette. |
|
Vastelaovendgezelschap "de Kwas" wins ôg unne joeksige vastelaovend. We zeen ôs gaer truuk beej ein van ôs aktiviteite.
Vastelaovend in Venlo-Zuid. Dét is de Kwas! |
|
|
