Zoëas geej in de media en wallich auk van vrinde en bekinde heb vernaome, organisere weej kômmend jaor de Boerebroelof. Ôs 5x11 jubeljaor kriég zoë ein boereblauw tintje.

Via niejsbreve wille weej ôg good op de huëgte halde wao weej mei bezig zien en wao weej ôs opwachting make.

Vanaaf kômmende dinsdaag kint geej auk terech op www.boerebroelof.nl.

De Boerebroelof organisere kôs de leeje van de Kwas en eur aanhang vanzelfspraekend vuul tïed en werk. De aafgelaupe maonde hebbe diverse kemissies zich al bezig gehalde met de iërste werkzaamhede in aanlaup nao ut bekindmake van de rolle en boerelogo.

Vuul werk mot d'r netuurlik nog verrich waere. Netuurlik meug geej ôs heej beej helpe. Meld ôg aan via info@dekwas.nl.

Kômmende dinsdaagaovend prissentere weej ôs logo, hoésstiél en baovenal de rolverdeling veur ut Klein Gezelschap.

• Wae wuurt d'r in d'n ônech verbonde?
• Wae wilt d'r heej getuuge van zien?
• Wat veur elders haet ut broédspaar?
• Wae zal alles aanein praote as sirremoniemeister?
• Wae nimp de plaats in van Antoin Scholten as börgervader?
• Welke hiëre zulle ut gezelschap in bedwang motte halde as wout?

Noteer auk alvas zondaag 9 juni in ôg agenda. Dan gaon we boeremoos paote!

En dan zulle we ens kiëke of 't stump
det van ein broelof ein broelof kump!