Ein dieke elf daag geleeje winsde weej ôs zalig niejjaor en nog ens ein dieke elf daag d’r beej en dan begint veur ôs ut echte nieje  jaor met de Vastelaovend. Eine spesjale vastelaovend, neet beginne met ôs eige Pallesaotebal maar met d’n Boeremoosbal. De Boeremoosbal met in de haufrol V.G. de Kwas!!!

Ein gans jaor hebbe weej heej naor toe gewerk, ein gans ander jaor van veurbereidinge maar wat ein jaor... van al die veurbereidinge kump now ein ind. Weej gaon ôs laote zeen en wie????

Zeen kint geej ôs al op de geweldige poster dae al bijna in gans de stad hink, De stasiefoto gemak beej de Onderste Meule, de alde meule van de femilie Michels wao weej hertelik woorte ôntvange in oktober, toen ware al de pakke gepas, de kleier veur de kinder gemak en al die hoésordes al van ein käörtje veurzeen.

Daonao hiël wat rippetisies en dan ein Interne prissentasie in ut Tref en de prissentasie aan gans de stad in de Venlonazaal, met twië zale good gevöld waas det al ein sukses...

Weej gaon d’r dan auk van oét det auk de Boeremoosbal wao ôs broedspaar Loes en Evert in de ôndertouw gaon eine geweldige aovend wuurd.

Weej haope ôg as lid, partner, Vrind en gooije bekinde van de Kwas te zeen in Jocus Honderstal, zoëdet ut ein feesje wuurd wie weej det gaer viere beej de Kwas. Aan ôs zal ut neet ligge weej zien d’r klaor veur!! (heb geej nog gen kaarte? Dees kinne besteld waere via www.jocus.nl veur € 11,--)

Moch geej neet naor de Boeremoosbal kinne kômme dan duit ôs det leid. Weej haope ôg dan waal te zeen beej ut Krense en Naopraote. Weej vraoge ôg Aevel um ôg felisitasies te beware wies Vastelaovesvriedaag, weej hebbe dan miër tiéd um ôg op de juuste maneer te ôntvange en um ôg felisitasies in ôntvangs te neme. Toch zeen weej ôg gaer in de Hoonderstal staon zoëdet weej naor ôg kinne zweije en nao ut krense nao kinne praote euver vas en zeker eine geweldige Boeremoosbal.

Auk ôs eige aktiviteite gaon gewoën door in ut aankômmende seizoen dus ein waek later zoë wie geej van ôs gewind ziet hebbe weej ôs eige Pallesaotebal.

Ein bal zônder niéje Prins maar waal met ein prissentasie van ôs eige Boerebroelofsgezelschap. Met natuurlik ein geweldig programma!!!
Zoë bringe weej Vastelaovend veur ôs eige Venlo-Zuid, maar dit jaor auk veur gans de stad. Weej haope ôg dan auk te zeen, zoédet weej met ôg de iërste indrökke van de iërste waek Boerebroelofsgezelschap kinne deile.

Weej zeen ôg dan auk gaer in ôs eige resedensie ut Tref op zaoterdaag 8 fibberwari