Unieke kroniek noow online te bestelle
Unieke kroniek noow online te bestelle
 
24 oktober 2015

De kroniek "Dét is De Kwas! Vastelaovend door de jaore haer (1959-2015)" is noow ouk online te bestelle via òzze webshop.

Dit bookwerk woort door de ald-veurzitter, d'n hièr Sander Driessen, kedo gedaon aan de leeje van De Kwas tièdes de bizóndere leejevergadering op zóndaag 27 september j.l. umtrent de veurzitterswissel.

Ein jaor lank is d’r in ut geheim door inkele leeje van de P&P gewerk aan ut idee van Sander um de rièke historie van De Kwas noow ens vas te legge in ein hendig naoslaagwerk.

Ein idee det aardig waat werk met zich mei brach, gezeen ut feit det d’r in ut groeëte Kwaste-archief handmatig foto's en tekste verzameld meuste waere. Auk woort d’r eine lay-out gekaoze passende beej de hoèsstièl van De Kwas.

Ut indrissultaat meug d’r zien!

'ne Kleurrièke kroniek van de beginjaore wies noow aangevöld met ein Prinsegalerie, Jeugprinsegalerie en ein euverzich van alle vorste en veurzitters in dees jaore.

“Dét is De Kwas! Vastelaovend door de jaore haer” is noow te koup veur € 11,00 in "Ut Tref" of via òzze webshop.

Klik heej um online te bestelle.