Ald Prinse

 

De Ald Prinseklub van "De Kwas" is opgerich in 1988.
Geej zoelt noow waal dinke det "De Kwas" vuul alder is en det is ouk zoeë.
Aevel, toen pas hebbe 'n aantal minse 't idee gekrege um dees klub te gaon starte.

Dees klub stelt zich ten doel um 'n paar kier per jaor de sociale bande met de Ald Prinse aan te haole en te versterke.
Geej mot dan dinke aan: jaorvergadering, Ald Prinsedaag en Prinsereceptie.
De jaorlikse oetstepkes waere altied georganiseerd door de Prins van ein en twieë jaor geleje.

De Ald Prinseklub wuurt aangeveurd door 'n besteur; veurzitter, sikkertaris en penningmeister. Zeej zien verantwaordelik veur de vergaderinge, inne van contributie en oetgaves. Dit wuurt ens per jaor in de jaorvergadering bespraoke en heejeuver verantwaording aafgelag.

De Ald Prinseklub is sinds kort te herkinne aan eur blauwe caps. Iddere Ald Prins haet zienen eige cap met 't Kwastelogo en zien jaortal van Prins d'r op staon.
Wao meugelik zal dees klub ouk ter óndersteuning deene veur De Kwas, veur eur financiële activiteite.
Geej huurt waal, det 't 'n klub is wao Joeks en Jen hoeëg in 't vaan steit en det zulle weej as Ald Prinse ouk altied perbere oet te drage nao De Kwas, Venlo-Zuid en groeët Venlo.