Artieste Kemissie

Zoeëas de naam van de kemissie al zaet, halde weej ós bezig met 't selectere, cóntractere en begeleide van de artieste. Al wied van te veure vergadere weej euver wae weej op de verschillende evenemente laote optraeje.

Beej inkele bekinde artieste neme weej smeis al ein paar jaor van te veure kóntak op. Aaf en toe kieke weej ouk op zittinge van zustervereiniginge in de keuke van eur joekskemissie um zoeëvuul meugelik aan variatie te bringe. As weej 'n keus hebbe gemak, make weej tillefonies met de artieste aafspraoke euver eur optraeje en perbere weej veur idder evenement 'n goje mix te make tösse zang, parodie en buuts.

't Blief dan neteurlik aafwachte of 'ne arties beej De Kwas ouk good oet de verf kump. Gelökkig lök det altied waal.

Kom gerös ens kieke in "Ut Tref" welke artieste weej op Kwastebühne bringe!