Pers & Propaganda

De Pers- en Propagandakemissie zörg d'r veur det De Kwas 't ganse jaor in de publiciteit kump. Zeej hebbe kóntak met zoeëwaal radio en tillevisie as de schrievende pers.

Eine kier per jaor gaeve ze 'ne echte Kwastekrant oet. De inhald van deze krant besteit oet gegaeves van ut niej prinsellik trio, foto's van ut veurige en loupende vastelaovesseizoen, verhäölkes, de Jeug van De Kwas en advertenties.

 

De krant wuurt gratis hoes aan hoes in gans Venlo-Zuid verspreid in 'n oplage van 5000 stöks.

Ouk ut verzörge van al 't drökwerk zoeëas breefpepeer, oetnuuëdiginge, posters en flyers, 't make van TV-spotjes en ut beej -en ónderhalde van dees thoespagina en de social media hure beej dees kemissie.

Daordet De Kwas 't ganse jaor aktief is, is ouk dees kemissie boete ut vastelaovesseizoen drök bezig.