Geldcheque veur De jeug van De Kwas
Geldcheque veur De jeug van De Kwas
 
24 oktober 2015

Aafgeloupe vrièdaag woort 't indbedraag bekind gemak van de spaaraksie beej Jan Linders in 't winkelcentrum Hagerhóf.

Det d'r ontzettend vueël veur De jeug van De Kwas gespaard is gewaore, bliek waal oèt 't hoeëge bedraag waat op de cheque steit. Maar leefs €1398,00 óntving De Jeug van De Kwas oèt hande van de supermerretmanager.

In de periode van 14 september wies 11 oktober kós d'r gespaard waere veur 4 vereiniginge, wao ónder dus ouk De Jeug van De Kwas.

Op zaoterdaag 3 oktober woort d'r flink oètgepak, of baeter gezag ingepak. De mini- en jeuggarde verzörgde ein optraeje en de baodschappe woorte beej de kassa ingepak en nao de wage gesjouwd door leeje van de jeugraod.

Al met al 'ne geslaagde aksie midde in òs wièk.