Nao de vastelaovestiéd wuurd d'r iërs flink aafgekik, maar in de zomer beginne weej weer kriebels te veule. Wae môt ut kômmend jaor de iër kriége ôs gezelschap in de vastelaovestiéd aan te veure?
Meistal hebbe weej begin september nog gen flauw benöl en as weej ôs leeje vraoge breefkes met gôje veurstelle in te levere, kiéke die dök wie eine boetsauto. Ein gelök hebbe weej dan: de raojliéste van det jaor gaeve ôs vuul serieuze (en minder serieuze) name. Dao wuurd dan örtelik euver gebreenstormp, jubilea van vereiniginge waere meigenaome en oétintelik wuurd d'r ein top-3 vasgesteld. Nummer 1 wuurd benaderd as toekômstig prins, teminste as ut ôs lök um met ein smoesje binne te kômme.
De toekômstig Hoëgheid mak ein liésje met name veur adjudante, die weej veur um gaon polse en die taege ôs motte zegge of ze ut wille: zônder de naam van de nieje prins te kinne! Is det goodgegaon, dan bringe weej eur örges same (met eur vruiwkes) um de res te bespraeke.
Foto's make, raojliéste vanaaf 1 jannewarie en medaljes bestelle völle d'n tiéd op wies eur oétkômme, dreej waeke veur de vastelaovend.
Prinse Zeuk Kemissie