Op ’n prachtig Pallesaotebal, is net ós nieje trio oetgerope!
Ózze vors haet weer gedaon waat hae mót doon! Hae schink óg ein prachtig trio en zörg det Prins Bart II met zien kwante adjudante Nando en Luuk, de Venlo-Zuidse vastelaovend veur gaon dit jaor!

Dit joeksig trio geit de Venlo-Zuidse vastelaovend dit jaor veur met eure liefspreuk:
Same met óg op safari, ‘n avontuur um nie te vergaete
Dao kin ech gen inkele andere vastelaovend zich oeëts mier aan maete.
Laot gaon, laot gaon dae wage
en sloet óg aan beej ós Kwaste- stam!
Heej op de Serengeti danse weej same op dae Joeks-Tam-Tam!

Zeej halde receptie op zaoterdaag 7 fibberwari vanaaf 16.11 in Feeszaal Ut Tref aan de Hendrikxstraot te Venlo-Zuid.