Hiërsers euver ut Kwasteriék!

Op ein ziër drök Pallesaotebal zien zaoterdaagaovend Prins Edwin (d'n Iërste) de Bruin met zien adjudante Wil Verstappen en Peter Gielen oétgeroope as ut nieje Kwastetrio.

Ut trio woënt alledreej op ut Sinselveldhaof in Venlo-Zuid. 

Prins Edwin is 41 jaor, getrouwd met Dorret en pap van twië blaage Jenna en Joey. 

Adjudant Wil is 44 jaor, getrouwd met Merie en pap van Sem en Lieke.

Adjudant Peter is 45 jaor, getrouwd met Katja en pap van Timo en Glenn.

Ut trio wuurt ein resepsie aangebaoje op vriédaag 13 fibberwari um 20:11 oor in ut Tref.

 

Proklamasie

Weej,  Edwin d’n Iërste

Leefhebber van mien vruiwke Dorret

Gruëtse pap van mien blage Jenna en Joey

Barôn in ut sleure van huus

Opperbevelhebber van ut Sinselveldhaof

Keizer van de ziélien beej FCV– Venlo

Markies in ut dreije van plaetjes op feesjes en partiekes

Groët Preuver van ut gerstenaat

 

Prins euver ut Kwasteriék 2015

Beej de grasie van Vors Kwastius en ziene wiéze Raod van Elluf, Prins euver ôs Kwasteriék in ut jaor 2015 gaeve heej mei te kinne en doon idderein, dae maar wilt weite

1. Det weej ôs zelluf gaar neet hadde verwach
2. Det 2015 ôs jaor wuurd !
3. Det weej veur de joeks en jen zien gebaore
4. Det weej ut ganse jaor vastelaovend viere op ôs “Hofje”
5. Det de Waus ut beste beej dees Wauze had gepas
6. Det weej pas stoppe as ut leech oétgeit (beej ôs)
7. Det weej neet gaer allein zien
8. Det weej d’r gaer nog eine same drinke
9. Det weej nog dök gaon zegge : “WAO DAN , DAO DAN ! “
10. Det weej dit neet zonder ôs vruiwkes kinne
11. Det ut veur ôs op aswoensdaag zeker nog neet gedaon is

  

Liéfspreuk :

Wao Wodan ôs jaore geleeje is veurgegaon, as hierser euver ut Viking-riék

Make weej d’r in 2015 un waan vastelaovend van, in ôs eige wiék.

Same met ôg geit ut daak d’r aaf

Vastelaovend same……..………….Alaaf !