Op ut Mini-Pallesoatebal woort ut Jeugtrio van 2015 oétgeroope.

Prins Tim van Riemsdijk met zien adjudante Daan Meulendijks en Luc Aerts.

Prins Tim d'n Iërste is gebaore en getaoge in Venlo-Zuid en zit in 4 VMBO van College den Hulster.

In 2010 is hae al ens adjudant gewaes beej JV "de Meulewiekers. 

Zien hobbies zien "chille" met vrinde en um nao de sportschoël te gaon. 

Adjudant Daan Meulendijks kump oét Maasbree en zit in 3 VWO van 't Blariacum. 

Via ziene pap (adjudant beej de Kwas in 2012) is hae besmet gerak met ut Kwastevrirus. 

Zien hobbies zien Jônk Nederland, handballe beej BSAC in Bree en sinds oktoëber 2014 mak hae deil oét van de Limburgse selectie.

Adjudant Luc Aerts is eine echte Venlose jông en zit in 3 HAVO van College den Hulster. 

Zien hobbies zien kanoë beej de Viking, zwumme en hae zit beej Scouting St. Paulus. 

Ut trio is alledreej raodslid van de Jeug van de Kwas. 

Eur resepsie zal zien op zaoterdaag 7 fibberwari um 15:00 oor in ut Tref. 

 

Proklamasie

Weej Prins Tim d’n Iërste van de Jeug van de Kwas.

Barôn van de Prasem.

Hertog van de hangjeug.

Keuning van ut blokke.

Keizer van de edelstein buurt.

Markies van ut kilo’s sleipe op de sportschoël.

Meister in ut speule van spelletjes (gamen) op de kômpjuter.

Beej de grasie van Jeugvors Kwastius en ziene wieze raod van 11.

Prins euver ut Kwasteriék gaeve heej mei te kinne en doon idderein, dae maar wilt weite:

 

1.  Det weej dit jaor achter de raod aan laupe.
2.  Det weej met de jeug same vastelaovend viere.
3.  Det weej de kômmende daag de lierare van schoël met rös laote.
4.  Det weej dreej daag zoë stoër wiej eine Viking zien.
5.  Det weej allein maar druime van de schoëne vastelaovend.   
6.  Det weej noow dreej daag op de kis gaon houwe.
7.  Det weej de joeks in ut blood hebbe zitte.
8.  Det weej in de kinderoptoch dit jaor weer veur de stumming zörge.
9.  Det weej beslis genne vogel hebbe.
10.  Det weej dae van Bree now ech liere waat dae Venlose vastelaovend is.
11.  Det weej idderein nuëdige op ôs eige groëte resepsie.

 

Gegaeve in ôs residensie “Ut Tref” op zaoterdaag 31 jannewari 2015

 

Prins Tim d’n iërste en zien adjudante Daan en Luc

 

1. 

Liéfspreuk

Al zette weej dit jaor gen maske op de kop

Met de vastelaovend gaon weej gaer veurop

De Vikinge zien dan waal in ut Kwasteland

As dreejspan zien weej van gans andere stand

Al kômme weej neet alle dreej van de Kwastegrônd

Weej gaeve met dees daag waal ut volle pônd

 

Vastelaovend same!