Rabobank Venlo e.o. drueeg ‘t vereinigingslaeve in de regio ‘n werm hert toe. Daorum organisere zeej de Rabobank Clubkas Campagne speciaal veur vereiniginge en stelle zeej € 75.000,- beschikbaar.
Ouk weej as De Kwas doon mei aan de Rabobank Clubkas Campagne!
Van 8 t/m 23 mei meuge leje van Rabobank Venlo e.o. vief stumme oetbringe op eur favoriete vereiniginge, waovan maximaal twieë op dezelfde vereiniging.
Iddere stum is geld waerd! De waerd van ‘n stem wuurt bepaold door ‘t totaal beschikbare bedraag van € 75.000,- te deile door ‘t aantal oetgebrachte stumme. Weej as De Kwas ziende óntvange ‘t aantal op ós oetgebrachte stumme kier ‘t bedraag det ‘n stum waerd is.
’t Is veur De Kwas belangiek um zoeëvuul meugelik stumme te kriege. Weej kinne dees beejdrage good gebroeke veur de nieje mantels van ós Jeugtrio. Zoeë staon zeej d’r ’t kómmend seizoen weer top op!
’t Zoel geweldig zien as dich en dien femilie, vrinde en bekinde stumme gaeve aan De Kwas tiedes dees Rabobank Clubkas Campagne.
