Tiedes de Groeëte Prónkzitting van woensdaag 27 fibberwari a.s. traejt veur óg de crème de la crème van Butereedners op.

Bas van Neer (winnaer Groeët Limburgs Butekampioenschap 2019), Bjorn Smits (winnaer Groeët Limburgs Butekampioenschap 2018) en Andy Marcellissen (miervoudig Brabants Butekampioen) zulle eur beste buut aan óg prissentere.

Vaerder zal Neutjesrang ein van eur letste optraejes verzörge. Zeej zien dit jaor bezig aan eur aafscheidstoer langs diverse podia. 

Det belaof alvas 'ne kwante aovend!

Vaerder traejt o.a. nog veur óg op Joekskepèl Flabbedeius, Coen Janssen en troubadour Ben Verdellen.

Ouk muzikaal ziet geej beej De Kwas dus op de juuste plaats!

D'n aovend begint klokslaag 19.30 oor en vindt plaats in Feestzaal Ut Tref aan de Hendrikxstraot te Venlo-Zuid. 

De toegank is gratis!