Tiedes de Femiliedaag, gehalde op 31 augustus j.l., is Gon Aerts door ózze veurzitter Rob Martens beneump tot lid van verdeenste.

Nao 29 jaor officieël lid te zien gewaes haet Gon beslaote um 't waat röstiger aan te gaon doon. Det meug ouk waal nao zoeëvuuel jaor veur ós gezelschap te hebbe klaor gestaon. 

Van 't schoeënhalde van de TC-kelder wies 't actere tiedes de zittinge en later de balaovende, niks waas te vuuel veur Gon. Vastelaovend organisere en minse heejveur enthousiasmere waas Gon op 't lief geschreve. 

Zoeë waas Gon ouk ein van de drievende krachte achter de vloeëiemerte in de jaore 90 en diverse kiere lid van de kaskemissie. 

In 2014 meugde Gon de rol van Oma van de Broed vervölle. De spraekwaordelikke kers op de taart veur al eure inzet veur ós gezelschap, met noow de beneuming tot Lid van Verdeenste van V.G. De Kwas as sloetstök.