Ald-vors Kwastius Hay Aerts opgenaome in de orde van d'n haan
Ald-vors Kwastius Hay Aerts opgenaome in de orde van d'n haan
Gepubliceerd op 28 fibberwari 2022

Zóndaag 27 fibberwari is ózze ald-vors Kwastius, d'n hier Hay Aerts, beneump tot Ridder Zilver in de orde van d'n Haan.

Tiedes Jocus Loudatio, gehalde op Vastelaoveszóndaag 27 fibberwari um 10.11 oor in Domani, woort Hay veur zien twelf jaor as Vors Kwastius in 't zunke gezatte en geierd met dees ónderscheiding. 

Ónder zien leiding versterkte De Kwas eur rol as veuroetstraevend wiekgezelschap. Op eur eige wies guuef De Kwas volges traditie richting aan de wiekvastelaovend en drage det dan ouk gaer oet aan eur eige Venlo-Zuid, maar ouk aan gans de stad.

Vors Joeccius XI: "Hay haet de aafgeloupe twelf jaor de vastelaovend in zuid mei 'n gezich gegaeve. De Kwas is 'n echte, alderwetse buurtvereiniging, die breid meiduit in de Venlose Vastelaovend. Ózze Raod is de letste jaore dökker gevraog en óngevraog te gas gewaes beej óg en 't veulde altied, maar dan ouk altied, as 'n werm bad. Dank daoveur. De Kwas is 'n vereiniging, dao kin Venlo-Zuid hiel gruuets op zien".

Foto: ©Reinier Linders