Jocus Hofkepèl zal zaoterdaag 28 jannewari tiedes 't Pallesaotebal truuk kiere op Kwastebühne. 

In de periode 2008 t/m 2015 ware zeej al ens de vaste begeleidingsband tiedes 't Pallesaotebal en vanaaf dit vastelaovesseizoen zien zeej dus truuk.

Truuk in Ut Tref zien zeej al waat langer. Op de maondaagaovend wuurt d'r namelik drök geripperteerd in ós thoeshónk veur de diverse Jocus evenemente en noow dus ouk weer veur De Kwas. 

Weej zien gruuets um eur weer truuk te zeen kiere op Kwastebühne en wille ouk ózzen dank oetspraeke nao Partyband Aparty die in d'n tössetied, eder jaor, de tent op de kop hebbe gezatte.

We zeen ós zaoterdaag 28 jannewari vanaaf 19.45 oor!

Veur mier info klik heej.