Ós jeugaafdeiling, de Jeug van De Kwas, besteit dit seizoen 2x11 jaor.

Óndanks det de jeugraod en garde ónderdeile zien binne De Kwas, zien zeej op vandaag oetgegreujd tot 'n gezelschap op zich. Ónder leiding van verschillende leje en vreejwilligers waere d'r door en veur de jeug al jaorelang vastelaovesactiviteite georganiseerd. Smeis gaon zeej apart op paad maar smeis ouk gezellig same as 'n groeët gehiel.

Ouk boete 't seizoen zeen zeej mekaar geregeld, de garde neteurlik op eure vaste rippetitiedaag en de jeugraod beej 't oefene en vergadere. Ouk waere d'r same leuke oetstepkes of aktiviteite georganiseerd. 

Kórt gezag, de jeug haet, zeker beej Vastelaovesgezelschap De Kwas, de toekóms. Op nao de volgende 11 jaor. Wae wet welke jeug van noow dan zien doorgestruimp nao de "groeëte Kwas".